ЗАМИНУВАЊЕ на Столе Ангелов е првонаградената фотографија на конкурсот на Транзен

Фотографијата ЗАМИНУВАЊЕ на фотографот Столе Ангелов е првонаградената фотографија на конкурсот со тема “Тагата на провинцијата и неподносливата мачнотија на метрополата”.
Во фотографијата на Столе Ангелов,на еден суптилен ликовен јазик,естетски е доловена сликовната материјализација на зададената философска теза на конкурсот.Авторот во легендата на фотографијата ќе наведе:
-Фотографијата е направена во еден доцен зимски ден од колата на еден драг пријател кој неодамна не напушти нас и овој свет.Погледот низ мокрото стакло на вратата е краткотрајно-блиц сеќавање на тажните детства во провинциите кога на задното седиште на автомобилите ги чекаме возрасните и мечтаејќи по нешто нејасно, зјапаме низ замаглениот прозорец.
Селектори на конкурсот се:
Александар Дончев -фотограф
Ице Виранов-филмски режисер
Никола Пијанманов-ликовен уметник.
Конкурсот е дел од проектот на организацијата Транзен финансиски поддржан од програмата Цивика Мобилитас.