Сречко Гунчев- Фотографскиот Архивар на Струмица

Една слика илјада зборови, е една од најпознатите реченици ширум светот.
Да се успее во тоа секако е потребна голема љубов кон фотографијата, како и да се има ОКО за да може од еден обичен момент да се направи фотографија која ќе вреди илјада зборови.
Сречко Гунчев, е човекот кој успева во тоа да го долови вистинскиот момент, човекот кој преку своите албуми од фотографии знае да не расположи, да не насмее, да не збогати духовно.
Гунчев е вработен во НУЦК Антон Панов, каде благодарејќи на него, ние можеме да ја следиме културата наназад во времето на нашиот град. Сречко Гунчев несомнено е Фотографскиот Архивар на Струмица.
Тој е еден од основачите на Стара Струмица, фејсбук профил, каде се објавуваат фотографии од Старите струмички семејства, модата во струмица, старите архитектонски градби како и секојдневниот живот во Стара Струмица.
Сречко е човекот кој ги лови сите несекојдневни ситуации и секојдневни ситуации во нашиот град, човек кој несомнено го сака својот град и ја фотографира неговата убавина.
Неговата работа е големо богатство како и за Струмица, така и за пошироко.
Еве дел од неговите фотографии…