Градоначалникот Заев Денес Полни 41 Година

Младите струмичани први му го честитаа роденденот на својот градоначалник Зоран Заев
Нивната љубов е толку голема и искрена, што со години наназад не штедат ни труд, ниту време, први да му го честитаат роденденот на својот Градоначалник. Така беше и ноќеска, веднаш по полноќ младите струмичани му приредија роденденско изненадување на градоначалникот Зоран Заев. Честитајќи му го 41 роденден му испеаја роденденска песна и му посакаа многу здравје, лична среќа и исполнување на сите негови желби.
Градоначалникот Заев не го криеше задоволството од роденденското изненадување, од срце им се заблагодари и им посака се најубаво во нивниот живот, а пред се својата иднина да ја градат тука, во сопствената држава.