Струмица воведува едукативни работилници за превенција од врсничко насилство

На 9 ноември 2026 година, градоначалникот Петар Јанков одржа средба со психолозите од средните училишта во Струмица и директорката на Центарот за социјални работи. На состанокот беше отворена иницијатива за подготовка на едукативни работилници насочени кон препознавање и спречување на врсничко насилство и насилство врз жените. Целта е средношколците да научат да ги разбираат своите права, граници и механизмите на заштита. Ќе се формира работно тело од психолози и семејни терапевти, во соработка со Центарот за социјални работи и Психо-социјалното советувалиште, кои ќе ја подготват програмата. Реализацијата на работилниците е планирана за крајот на ноември, во рамките на кампањата „16 Дена активизам против насилството врз жените“. Градоначалникот Јанков истакна дека општината ги поддржува превенцијата и меѓуинституционалната соработка за создавање безбедна средина за младите.

Прочитајте и: Просветен инспектор од Струмица под кривична одговорност за психичко насилство врз наставничка

Извор: Општина Струмица | Фото: Општина Струмица