Јавен повик за финансиска поддршка на ученици со попреченост во Струмица за 2026/2027

Градоначалникот на Општина Струмица објави јавен повик за добивање финансиска поддршка за редовни ученици со попреченост во наставната 2026/2027 година. Поддршката изнесува 3.000 денари месечно во траење од 9 месеци. Право на поддршка имаат ученици од I-IX одделение и I-IV година, запишани во општински основни и средни училишта или во ДСУ-РЦСОО „Никола Карев“ – Струмица. Кандидатите мора да поседуваат документација за вид и степен на попреченост, редовно да ја посетуваат наставата и успешно да го завршат претходното одделение. Предност имаат деца од самохрани родители, невработени семејства, многудетни семејства и семејства со минимални приходи. Потребните документи, вклучувајќи барање, потврда од училиште и лични документи, се доставуваат до Комисија формирана од Градоначалникот. Повикот е објавен на 3 ноември 2026 година.

Прочитајте и: Јанков: Подобрувањето на училишните услови е приоритет за Општина Струмица

Извор: Општина Струмица | Фото: Општина Струмица