Комуналец ја чисти трим патеката над Ловен дом

Јавното претпријатие за комунални дејности „Комуналец“ денеска ја средува трим патеката од Ловен дом до манастирот „Св. Илија“. Вкупно 14 вработени во работната единица „Чистота“ ги чистат наносите и ја косат тревата по целата должина на патеката. Ова е традиционална акција која се реализира секоја пролет и има превентивна цел – поголема безбедност на граѓаните кои ја користат патеката од змии кои се појавуваат во овој период со покачувањето на температурата.