Поставен камен темелник на параклис во паркот во Василево

Во паркот на влезот во с. Василево денес, поставен е камен темелник за изградба на параклис, посветен на Св. Јован Крстител. Чинот на осветување го извршија свештени лица од Струмичката епархија.
На чинот на поставувањето на камен темнелникот присуствуваше и градоначалникот на општина Василево, г-дин Ванчо Стојанов кој рече дека по неодамнешната изградба на паркот и поставувањето на симболите на општина Василево и Р.Македонија во паркот, денес се претвара во реалност и една друга повеќегодишна идеја, а тоа е изградба на мала црква, параклис, на влезот во Василево, како симбол на верата. Градоначалникот Стојанов изрази благодарност до МПЦ за целокупната соработка чиј резултат е и изградбата на овој параклис.
Средствата за изградба на овој параклис се обезбедени со донации од граѓани на општина Василево.