Кај двајца Струмичани потврдена инфекција со ХИВ вирус

Кај двајца Струмичани и двајца Скопјани минатиот месец била потврдена инфекција со ХИВ вирусот. Сите се од машки пол од кои тројца на возраст од 20 до 29 а еден е повозрасен над 40 години. Со оваа бројка, 2015 заврши со 31 случај на ХИВ-СИДА. Освен во Струмица и Скопје, заразени има и во Кочани, Штип, Кавадарци, Тетово и Прилеп.
На крајот од минатата година, лекарите излегоа со податоци дека е во подем ширењето на инфекцијата кај мажи кои имаат секс со мажи. Лани 14 лица се заразиле по хомосексуален пат а петмина се бисексуалци. Меѓу нив има и студенти.

Од 1987 година кога беше регистриран првиот заболен, досега во Институтот за јавно здравје регистрирале 274 случаи. 80 од нив се починати. 77 проценти се на антиретровирусна терапија. Целта на надлежните институции е до 2020 година лекови да добиваат 90 отсто од заразените.

За оваа година програмата на Министерството за здравство за превенција од ХИВ-СИДА ќе биде 45 милиони денари, или двојно повеќе од лани.
Преземено од http://zdravstvo24.mk/