Градоначалникот Јаневски одржа средба со дефектолозите и логопедите од основните и средните училишта

Градоначалникот на општина Струмица, Коста Јаневски, вчера, одржа работна средба со дефектолозите и логопедите кои работат во општинските и средните училишта. На средбата се разговараше за актуелната состојба во која се наоѓа оваа категорија на просветни работници, се детектираа одредени проблеми, но истовремено се дадоа и предлози за нивно надминување во рамките на надлежностите на Општината и ресорните министерства.
Целта на средбата беше подобрување на воспитно – образовниот процес на децата со посебни потреби во основните и средните училишта, но и создавање услови за нивно детектирање уште во предучилишната возраст.