ЈП Паркиралишта Струмица започнува со обновување на семафорите

ЈП „Паркиралишта Струмица“ ги започнува активностите за одржување и санација на семафорската сигнализација во градот. По извршената дефектажа кај трговскиот центар „Глобал“, избраната фирма од утре ќе врши фарбање на столбови и замена на светлосни тела. Во следната фаза ќе се изврши стручен преглед на семафорите во подземната гаража и на булеварот „Климент Охридски“, по што ќе следат соодветни зафати. Работите се финансираат од Буџетот на Општина Струмица преку постапка за јавна набавка, со цел подобрување на безбедноста во сообраќајот. Од компанијата упатуваат апел до граѓаните да не лепат некролози и известувања на семафорските столбови, туку да ги користат поставените табли за огласување, за да се зачува обновената опрема и уредниот изглед на јавниот простор.

Каде се наоѓа

📍 Трговски Центар Глобал

Мапа: Трговски Центар Глобал

  • Адреса: Булевар Маршал Тито, Струмица

Отвори во Google Maps | Street View

Податоци: OpenStreetMap, проверено 17.11.2026

Извор: Општина Струмица | Фото: Општина Струмица

Напишете коментар