Ново санитетско возило за Итна помош во Струмица преку прекуграничен проект

На 9 ноември 2026 година, градоначалникот на Општина Струмица, Петар Јанков, присуствуваше на доделувањето на ново санитетско возило за Итната медицинска помош. Возилото е опремено со современа опрема, вклучувајќи два ЕКГ-апарати и по два полуавтоматски и автоматски дефибрилатори. Донацијата е обезбедена преку проектот „Heart Safe CBA – Towards a Cross-Border Area Safe for the Heart“, финансиран од Европската Унија во рамките на програмата Interreg VI-A IPA 2021-2027. Партнери се Центарот за развој на Југоисточниот плански регион, Универзитетската болница АХЕПА од Солун и Хеленското здружение за итна претхоспитална медицинска грижа. Проектот предвидува обуки за медицински персонал со сертификати од Европскиот совет за ресусцитација. На настанот присуствуваа и д-р Кирил Манчев, директор на ЈЗУ „Здравствен дом“ Струмица, и Јован Коцев, в. д. директор на Југоисточен плански регион.

Прочитајте и: Струмица добива три нови возила за Итна помош, Комуналец добива нови машини за метење и цистерна

Извор: Општина Струмица | Фото: Општина Струмица