Општо – Струмица

Состојбата на патиштата во Струмица и Струмичко

Tome — Sun, 27 Apr 2025 13:20:07 +0000

После последните врнежи, состојбата на патиштата во Струмица и околните населени места уште повеќе се влоши. Така добивме инспирација да го напишеме овој пост, па можеби ќе стигне до надлежните органи и ке покренат некоја иницијатива да ги санираат патиштата, кои се во толку лоша состојба што најдобро би било да се стави целосен нов слој на асфалт.

Направивме едно видео, почнувајќи од улуца Ленинова, возејки по транзитниот пат, па потоа до с. Дабиље. Во скоро време исто видовме објави и на други локални портали како жителите од село Просениково се жалеа на состојбата на патот до нивното село. Исто така сакаме да нагласиме дека патот Струмица-Дабиље кој требаше да биде од 4 ленти до влезот на Дабиље и требаше да биде готов до Декември 2024-та година уште не е ни во завршна фаза.

Инаку патот со две ленти на излезот од Струмица до раскрницата со Сачево е готов и му фали само уште еден горен слој на асфалт, па би било добро ако се направи ова и се отвори тој пат наместо да се користи импровизираната обиколница, која никако да се санира со асфалт и само се крпи со песок.

Погледнете го видеото за овој патен правец:

За крај една наша идеја ако веќе не може да се реализира пат Струмица – Дабиље со 4 ленти, имаме идеја претставена во следното видео. Каналот што оди од Струмица до Дабиље е цементиран (во видеото реков асфалтиран), така ако се исчисти каналот и ако се покрие како што се направи со “поројот” во Струмица, ке се намали миризбата кои ја осеќаат градот и околните села и може да се направи уште еден спореден пат. Погледнете го видеото:

Се надеваме дека овој пост ќе биде сватен добронамерно и ќе имаме безбени технични исправни патишта за безбеден сообраќај.

Се одржа третата форумска сесија

Даниел Ѓоргиев — Sat, 02 Nov 2019 18:08:57 +0000

Во големата сала на домот на АРМ, синоќа се одржа третата форумска сесија во рамките на Буџетскиот форум во општина Струмица 2019/2020 година. На оваа сесија беше направен преглед на планираните расходи по дел од буџетската програма „Ј“ за 2020 и потпрограми – развојни програми: Урбана опрема, Нови зелени површини, Нов Парк – АТШ Берово, Нови канализации во Општина Струмица, Уредување на канал Крушевска Република, Канализациони системи во с.Вељуса, Изградба на мрежа за гас и Енергетско ефикасни фасади.
На сесијата се утврдуваа и граѓанските приоритети.

Граѓанска крводарителска акција на 11.09.2019-Среда

Даниел Ѓоргиев — Tue, 10 Sep 2019 06:53:22 +0000

На ден 11.09.2019 (среда) од 09:00 до 14:00 часот, Општинската организација на Црвен крст Струмица заедно со Службата за трансфузиона медицина Струмица организира граѓанска крводарителска акција во просториите на Службата за трансфузиона медицина Струмица . Ги повикуваме сите граѓани кои сакаат да даруваат крв да повелат и да ја покажат својата хуманост.

Факти за крводарувањето:
-Дарувањето на крв е доброволно, анонимно и бесплатно.
-Крводарител може да биде секоја здрава личност од 18-65 години.
-Жените можат да даруваат крв на секои 4 месеци, додека мажите на секои 3.
-Дарувањето крв не е болно, не создава навика и не му штети на организмот.
-Пред секое дарување крв се врши лекарски преглед.
-Дарувањето крв е корисно со тоа што ќе го проверите вашето здравје.
-На крводарителите како почитувани членови во општеството, Црвен крст им доделува признанија.
-Со 10 дарувања на крв, секој крводарител е ослободен од плаќање на сите видови болничка партиципација

ИЗВЕСТУВАЊЕ: Од денес почнува делењето на корпи за отпад во градот

Даниел Ѓоргиев — Tue, 10 Sep 2019 06:48:35 +0000

Во програмата на еко кампањата Еко Фронт во организација на Општина Струмица и ЈПКД Комуналец беа набавени 8500 стандардизирани корпи за отпадоци за индивидуалните домаќинства. Изминатиов период акцијата на делење на корпите се одвиваше во сите населени места. Од денес 10 септември акцијата продолжува на територија на град Струмица. Од 13 часот екипи на ЈПКД Комуналец ќе почнат со делење на корпите за отпад во населбата Карпош и Чифлик маало. „Корпите се наменети исклучиво за индивидуалните домаќинства. Важно е да напоменеме дека истите ќе се делат бесплатно и ќе бидат на товар на ЈПКД „Комуналец“ и Општина Струмица, до граѓаните апелираме на домаќинско користење на корпите за отпад“, изјави Бранко Горѓиев раководите на одделението „Комунална хигиена“ при ЈПКД „Комуналец“.

Најава за обилни врнежи од дожд, „Водовод и канализација“ со вонредна акција

Даниел Ѓоргиев — Mon, 13 May 2019 13:21:09 +0000

Денеска и во наредните неколку дена, времето ќе биде облачно со засилен ветер, проследено со поројни врнежи од дожд и грмежи.
Како што соопштија од Управата за хидрометеролошки работи, под влијание на серија влажни бранови, исто време ќе се задржи и во наредните денови, односно ќе биде претежно облачно и нестабилно, на повеќе места со обилни врнежи од дожд од над 50 л/м2.
Пред почетокот на невремето “Андреа”, екипите на одделението „Водовод и канализација“ при ЈПКД „Комуналец“ излегоа на терен со вонредна акција за чистење на шахтите и одводите на критичните точки низ градот, како што се улиците: „Младинска“, „Ѓорги Василев“, „Ката Поцкова“, Ристо Ќурчиев“, „Браќа Минкови“, „Боро Поцков“. Поминати и проверени се сите кризни точки каде што се очекува голема количина на вода и континуирано ќе се следи состојбата на овие делови од градот.

Поставени табли во Струмица „ЗАБРАНЕТО е фрлање комунален отпад“ – Еко Фронт

Даниел Ѓоргиев — Fri, 12 Apr 2019 17:16:12 +0000

Во склоп на акцијата „Еко Фронт“ во организација на Општина Струмица и ЈПКД „Комуналец“, со која беше опфатено генерално чистење на диви депонии во повеќе населени места, денес се поставија табли со натпис: Согласно член 4 од Закон за јавна чистота, ЗАБРАНЕТО е фрлање комунален отпад… Надлежните комунални инспекциски служби согласно законските одредби континуирано преземаат соодветни мерки во согласност со нивните овластувања и надлежности, каде досега се затекнати прекршители кои вршеле фрлање и запалување на отпад, по што против истите се изречени 8 прекршочни санкции со издавање на мандатен платен налог и 1 санкција со издавање на прекршочен патен налог. Општина Струмица и ЈПКД „Комуналец“ апелираат до граѓаните правилно да го одлагаат својот отпад, да не создаваат диви депонии коишто ја загадуваат животната околина.

ЈАВЕН ПОВИК за основање и започнување со работа на “Шелтер центар за згрижување и заштита на жртви на семејно насилство во општина Струмица”

Даниел Ѓоргиев — Thu, 11 Apr 2019 19:39:01 +0000

ЈАВЕН ПОВИК за основање и започнување со работа на установа за социјална заштита “Шелтер центар за згрижување и заштита на жртви на семејно насилство во општина Струмица”

Општина Струмица распишува Јавен повик за прибирање на предлог проектна иницијатива од локална граѓанска организација заради реализација на проект за справување со проблемот со жртвите на семејно насилство, односно Основање и започнување со работа на установа за социјална заштита “Шелтер центар за згрижување и заштита на жртвите на семејно насилство во Општина Струмица”.
Проектот ќе се реализира во партнерска соработка помеѓу Општина Струмица и избраната граѓанска организација.

Целосната содржина на јавниот повик може да ја видите на следниов линк : http://strumica.gov.mk/…/4638-javen-povik-za-pribiranje-pre…

Комуналната инспекција со вонредни контроли при палење на отпад на јавни површини

Даниел Ѓоргиев — Wed, 10 Apr 2019 10:49:52 +0000

Комуналната инспекција врши вонредни контроли на фрлање и палење отпад на јавни површини

Во периодот од 19.03.2019 до 08.04.2019 година комуналната инспекција на општина Струмица вршеше вонредни инспекциски контроли на фрлање и палење на отпад на јавни површини. Контролите се вршеа во две смени во сите 7 денови од неделата, при што акцентот беше ставен на локации каде што има детектирано создавање на диви депонии.
Согласно законските надлежности од страна на овластениот комунален инспектор и комуналните редари, во 9 случаи биле затекнати прекршители кои вршеле фрлање и запалување на отпад, по што против истите се изречени осум прекршочни санкции со издавање на мандатен платен налог и една санкција со издавање на прекршочен патен налог.
Во неколку случаи, а во соработка со МВР и ТППЕ Струмица беше делувано превентивно, во поглед на гаснење на запален отпад, односно, спречување на ширење на пожари.
Инспекциските контроли ќе се вршат континуирано и во наредниот период.

„Стариот кружен тек“ и “Паркот на бежанците“ се подготвуваат за хортикултурно сеење

Даниел Ѓоргиев — Fri, 29 Mar 2019 11:41:40 +0000

Одделението за одржување и управување со јавно зеленило“ при ЈПКД „Комуналец“ изминатиов период активно работи на припрема на зелените јавни површини на територијата на Општина Струмица за пролетното хортикултурно уредување. Освен тековната акција на засадување нови и обновување на постоечките дрвореди со висококвалитетни листопадни садници од сортата јавор, денес се изврши подотовка на теренот на „Стариот кружен тек“ и “Паркот на бежанците“.