Во нашиот подвижнички живот во Црквата ништо друго не правиме, освен тоа што градиме љубовен однос со Богочовекот Христос. Црквата е Богочовечка тајна во којашто ја живееме тајната на воплотувањето Христово – вистината дека Бог толку Го возљуби човекот што се поистовети со него, дојде во овој свет воплотувајќи се, стана човек. Меѓутоа, не каков било човек, туку последен од сите, слуга на сите, а нам ни даде можност да станеме богови по благодат.

Животот на постпотопните генерации е исклучително краток. Ние живееме на земјата доволно долго колку да се пројави нашиот избор помеѓу доброто и злото, помеѓу животот и смртта. Треба да избереме дали ќе тргнеме по патот на оличноснување во заедница со Оној од Кого сме создадени и во Чиешто присуство единствено можеме да се оствариме и да живееме како личности, или ќе бидеме дел од светот кој не Го позна и не Го прими Синот Божји, и за жал, до самиот свој крај ќе остане антихристијански. Затоа и живееме во свет којшто од ден на ден сѐ повеќе наликува на пекол. Во вториот случај, тоа е пат на различноснување (деградација на личноста), неспособност за заедничарење, несострадалност и бесчувствителност кон другиот, особено кон човекот што страда, насушна потреба за осаменост и самодоволност.

Она што Богочовекот Христос ни го открива во ова евангелско четиво денес (види: Матеј 25, 31–46), е дека Страшниот Суд, драги мои, нема да биде ништо друго, туку проверка на квалитетот на тие личносни односи. Бог е Личност, и секогаш и Неговиот однос е личносен. Самиот дијалог, и воопшто стапувањето во комуникација и со едните и со другите, а особено со оние од левата страна, е давање можност, уште една можност за поправање на нарушените личносни односи, иако тоа во тој последен миг е речиси невозможно. Подобието е духовна состојба за која е потребно време, подвижнички трудови во трпение и покајание, и дела на милосрдие кон луѓето. Со други зборови, на Последниот суд секој ќе излезе со својата с-личност или не-с-личност со Христос. Гледате, и двете фрази го содржат клучниот збор личност. На крајот, во тој последен миг нема бегање од состојбата којашто станала наша втора природа.

Впрочем, тоа и го гледаме и во оние што стојат од десната, и во оние од левата страна на Судијата.

Дијалогот со оние од левата страна и неговиот исход воопшто не се разликуваат од оној разговор што го водеше Бог со нашите прародители во рајот непосредно после падот. Светите Оци велат дека прашањата што Бог им ги упатува на Адам и Ева во рајот, колку и да наликуваат на прекор, се само поттик и повик за покајание и давање на можност, за во слободата со којашто Бог ги обдарил, да речат: „Прости ни, Господи…“

Тука, во овој дијалог, Оној што е Истиот и вчера, и денес, и во веки, Неизменливиот Бог им вели: „Одете од Мене, проклети, во вечен оган, приготвен за ѓаволот и неговите ангели. Зашто, гладен бев и не Ми дадовте да јадам, жеден бев и не Ме напоивте, странец бев и не Ме прибравте, болен и во затвор бев и не Ме посетивте“, сакајќи да ги поттикне на покајание.

Го слушнавме нивниот одговор: „Господи, кога Те видовме гладен, или жеден, или странец, или необлечен, или болен, или во затвор, и не Ти послуживме?“ А што можат да одговорат оние што што целиот свој живот сопствената вина ја барале и наоѓале во другите!? Оние на кои самооправдувањето, гордоста и високото мислење за себе им станале втора природа!? Оние кои во луѓето што страдаат не успеале да Го видат и да Го препознаат Христос, освен и тука да го сторат истото, а згора не сѐ, и при последната можност да се спасат, тие избираат да влезат во дрска расправија со Бог и да Го обвинат дека не ја зборува вистината.

Затоа, одете не значи ништо друго, туку почитување на слободата на изборот што го направиле да отидат со оние обезличени личности на кои им станале слични, со ѓаволот и неговите ангели. Великиот отец наш Григориј Палама вели дека Христос намерно вели одете, а не отидете. Зборот одете означува непрестајно дејство. Со други зборови, Христос им вели: „Продолжете да одите по патот по којшто одевте цел живот, штом и сега не сакате да Ме препознаете како ваша крајна цел“. Страшно! Токму поради ова, браќа и сестри, Последниот Суд го нарекуваме страшен.

Бог се поистоветува со секој човек, но најмногу со оние што страдаат во овој свет, оти Самиот Тој одбра да дојде како еден од нив на овој свет, како последен, како сиромашен, како отфрлен од сите, велејќи: „Не дојдов да Ми служат, туку дојдов да послужам за спасението на мнозина“ (види: Матеј 20, 28).

На оние што се од десната страна, Бог им се обраќа со потполно истата формулација на зборови, само овојпат без негација. Тој вели: „Дојдете благословени од Мојот Отец; наследете го Царството, приготвено за вас од почетокот на светот; оти гладен бев и Ми дадовте да јадам, жеден бев и Ме напоивте, странец бев и Mе примивте; необлечен бев и Ме облековте; болен бев и Ме посетивте; во затвор бев и дојдовте при Мене“.

Видете ги, сега, овие луѓе од десната страна, кои покажуваат само кротост и смирение, и ништо друго. Оние што своите добри дела ги сокривале сиот свој живот од очите на светот, поради кротоста и смирението во кои живеат, како да чувствуваат страв и непријатност пред ангелите и пред другите луѓе, поради пофалбите и праведниот суд за нивниот живот од единствениот Праведен Судија. И, на Страшниот Суд Христов тие не можат да направат ништо друго, освен да се смират, па се обидуваат да ги сокријат своите добри дела, бидејќи така ги учи смирението кое станало нивна втора природа. Затоа и одговараат со истите зборови како и оние од левата страна, сметајќи го за ништо сето тоа што го сториле во својот земен живот. Тие се угледале во сѐ на Богочовекот Христос, и ја исполниле Неговата најпрекрасна заповед во Евангелието: „Угледајте се на Мене, бидејќи Сум кроток и смирен по срце“ (види: Матеј 11, 29).

Затоа Христос им вели дојдете, а не одете. Дојдете благословени и останете, бидејќи Јас бев сѐ во вашиот живот, Ме препознававте во ликот на секој страдален човек, затоа сега и Јас ве познавам. Дојдете и останете, бидејќи јас сум Целта и Крајот на вашето патување.

На Страшниот Суд Христов, мене, лично, не ми е страшна ниту огнената река, ниту пеколот, ниту вечниот „живот“ со демоните и противниците Божји. За мене најстрашни ми се зборовите Христови упатени до десетте неразумни девојки: „Вистина ви велам, не ве познавам“ (Матеј 25, 12).

Како може да не ме познае Оној што ме создал!? Kако може да не ме препознае Оној што ме привел во битие, од ни од што пред тоа постоечко!? Како може да не ме препознае Оној што безброј пати ме кренал кога сум паднал!? Како може да не ме препознае Оној што ми дозволил со години да дишам во овој свет што Он го создал и да го трујам воздухот со своите гревовни мисли, зборови и дела, и трпеливо Го чекал моето обраќање и покајание како таткото на блудниот син.

Немојте да мислите дека Бог како некој инквизитор ќе бара да најде нешто во нас за да нѐ осуди. Тоа не е христијанскиот Бог, и не е Бог Кој ни се открива во Својот Единороден Син и во Евангелието на Својот Син. Тој Го испрати Својот Единороден Син, Кој Самиот се нарекува наш брат, и оние што страдаат ги нарекува Свои браќа, и ние единствено во Него имаме можност да станеме деца Божји.

Ако нешто научивме и сфативме од денешното евангелие за Страшниот Суд, тоа е дека нашиот Отец Небесен ќе бара во секој еден од нас макар и најмала сличност со Својот возљубен Син. Ќе бара да види дека барем во нешто и најмалку сме заличиле на Неговиот Единороден Син. Тоа и значат зборовите: „Дојдете благословени од Мојот Отец…“ На Страшниот Суд ќе се случи само потврдување на личносните односи што сме ги оствариле овде на земјата, во Црквата Христова или надвор од Црквата Божја, во отпаднатиот од Бог свет.

Настан што во историјата непосредно ќе му претходи на доаѓањето Христово и на Страшниот Суд Божји е доаѓањето и зацарувањето на антихристот. Знаете и самите дека никогаш не зборувам на таа тема од амвон, и знаете дека тоа е тема што никогаш не сме ја наметнувале и не сме зборувале за неа, ниту нашиот Владика, ниту пак јас, но сметам дека е неопходно и потребно да ви кажам два-три збора и за тоа, поради тоа што се појавија многу лажни пророци коишто повеќе зборуваат за антихристот отколку за Христос.

Плодовите од таа нивна проповед по социјалните мрежи се само параноја и страв. А секогаш кога во душата ќе забележите неконтролиран страв, знајте дека тоа е сигурно демонско дејство или, пак, дека ние самите со нешто што сме сториле кон ѓаволот сме се приближиле. Всушност, ѓаволот е оној што сака да нѐ исплаши. Библистите велат дека најчесто изговарани Христови зборови во Евангелието се: „Не бојте се, не плашете се“. По плодовите на нивната проповед ќе ги препознаете чии слуги се. Го плашат светот со антихристот, оти и самите до смрт се исплашени, и го најавуваат доаѓањето на антихристот, а не чувствуваат, кутрите, дека во нивното срце седнал и се зацарил. Тие судат и осудуваат, ги мерат и проценуваат делата на Епископите на Црквата, на монаштвото, на духовниците, ги мерат, ги вагаат, ги судат, ги осудуваат и им пресудуваат. Нашиот свет Владика во една од своите беседи вели дека ниеден дух не му е близок толку на духот на антихристот како духот на судењето и осудувањето. Зошто!? Затоа што антихристот претендира во овој свет да се наметне како цар и да седне на местото Христово, Единствениот судија на живите и мртвите. Како да ги наречеш овие луѓе ако не претечи на антихристот и помагачи на неговото дело? А за прелеста да биде поголема и потрагична како и секогаш, тие мислат дека се во право и дека ја бранат Црквата. Оние што ја бранат Црквата зборуваат само за Христос и знаат дека на крајот Христос ќе победи. Антихристот за нив е ветер и магла, бидејќи победата над него тие веќе ја извојувале во своето срце. И затоа не се плашат од антихристот, туку тој се плаши од нив, и тие ќе му бидат први на списокот за прогон и убивање, а не овие избезумениве од страв, во чие срце седнал уште пред да дојде. Како што вели свети Јован Лествичник, оној што нема страв Божји ќе се плаши од сѐ и сешто, само не од Бог, па аналогно на тоа, јас ќе речам дека оној што има страв Божји нема ништо друго што би можело да го исплаши. А оној што Го возљубил Бог со сето свое битие, тој не знае за страв. Ава Антониј вели: „Љубовта го изгонува стравот“.

Драги браќа и сестри, ние, како што исповедаме во Симболот на верата што ни го оставија Светите отци на Црквата, така и да живееме. Таму читаме дека го чекаме повторното доаѓање Христово и воскресението од мртвите, и животот во идниот век. Антихристот не го спомнале, бидејќи духоносните Отци знаеле дека кога ќе дојде времето, истиот Дух што тие го носеле, а Кој ја проникнува и оживотворува Црквата, ќе ги просветлува и пастирите на Црквата и во последните времиња, до крајот на вековите.

Бог да ве благослови сите, и да нѐ просветли сите непрестајно да живееме согласно зборовите на оваа литургиска прозба: „Христијански крај на нашиот живот… и добар одговор на Страшниот Христов Суд просиме од Господа“.

Академик Д-р Драган Јованов Европска академија на науки – Бг Честа, но и одговорноста е голема да се биде во европскиот академски свет на истражувачи. Благодарам на Европската академија на науки, на мојот ментор Академик Примариус Др. Боро Вујасин и на Претседателката на Европската академија Академик Снежана Баронеса, кои ја следеа и препознаа мојата мисија и квалитет. Патот до успехот е само наш избор!

Благодарам на мојата покојна мајка што нејзината љубов и духовна сила ме чуваше да истраам ме водеше и штитеше. Благодарам на мојот татко, сестра и тетка кој беа секогаш до мене и во добро и во лошо, тие останаа мојот најверен тим. Благодарам на моите ментори од Македонија и од странство кој ми ја даваа максималната поддршка и ме поддржуваа на патот до светскиот трон. Секако неизмерна благодарност за моите лојални и верни македонски поддржувачи како прво и поддржувачките од земјите од балканот, европа и светот за кој да не беа тие не би бил јас она што сум денес. Сепак за секои иновативни истражувања ви треба луѓе кои веруваат во она што го работите.

Сите ние во некој период од животот сме се почуствувале дека многу тешко доаѓаме до поставените цели ( без разлика за која област од животот се работи), бидејќи има многу предизвици и препреки кои треба да се совладаат. Тогаш тоа е време да се реорганизираме, да ги ревидираме поставените цели. Најважно е, да до патот на крајната цел си поставиме пократки цели кои постојано ќе ни ја оддржуваат самодовербата. Тоа го направив јас. Сите ние имаме различен пристап кон работите. Но на крај се се сведува на работата која ние треба да ја направиме. Мора да најдете баланс помеѓу потребата за чувство како АКАДЕМИК со Успеси и Успех преку напорна работа. Треба да превземате ризици и да се обидувате. Потребно е да бидете ИСКРЕНИ КОН САМИТЕ СЕБЕ и да не го барате СЕКОГАШ НАЈЛЕСНИОТ ПАТ. Животот е исполнет со многу борба и битки за успеси! Ако не ги водите тие битки, понатаму во животот ви остануваат уште повеќе тешки борба и битки! НО ЕДНО НЕШТО ТРЕБА ДА ЗАПАМТИТЕ. НИКОГАШ АМА БАШ НИКОГАШ НЕМОЈТЕ ДА СЕ ОТКАЖУВАТЕ. Мојот татко секогаш ми велеше влези од мала врата, а излези чесно и достоинствено од ГОЛЕМА ВРАТА. ОФИЦИЈАЛНО АКАДЕМИК ДР ДРАГАН ЈОВАНОВ – ЕВРОПСКА АКАДЕМИЈА НА НАУКИ ПОРТРЕТОТ НА ОВАА СЛИКА СВЕДОЧИ ЗА МОИТЕ СОНИШТА…

ИСТОРИСКИ УСПЕХ ЗА МЕНЕ ( на 33 год) ЗА МАКЕДОНИЈА И ЗА МОЕТО СЕМЕЈСТВО. ДЕНЕС ОФИЦИЈАЛНО СТАНАВ АКАДЕМИК ВО ЕВРОПСКАТА АКАДЕМИЈА НА НАУКИ- БГ ОВАА ТИТУЛА ЈА ПОСВЕТУВАМ НА МОЕТО НАЈБЛИСКО СЕМЕЈСТВО

БЛАГОДАРНОСТ ДО МОЈОТ МЕНТОР АКАДЕМИК БОРО ВУЈАСИН. ОНА ШТО ГО ПРАВИМЕ ДЕНЕС ОСТАНУВА ВО ВЕЧНОСТА…

Налет да биде! / Налет да се Стори! – Damn it! / Blast it! / Hang it!

бес си бараше, два си најде – from the frying pan, into the fire /
out of the frying pan, (and) into the fire

стap (ка)ко библија – as old as the hills / (as) old as Methuselah / (as) old as Adam

биволицата е црна ама бело млеко дава – black hen lays a white egg

било и поминало -it’s all over and done with / what’s
done cannot be undone / it’s (all) water under the bridge / nothing
can be done about it / things past cannot be recalled / forgive and
forget / no use crying over spilled milk

влече пo блато – drag into the mire

нема да ти се срони бисерот – it won’t hurt your dignity

не сум богат ефтино да купувам – best is cheapest / the dearer it is,
the cheaper / ill ware is never cheap / a good bargain is a pickpurse

лесно – боза – (as) easy as shelling peas / (as) easy as falling of a log / a piece of cake

болвата бивол ја прави – make a mountain out of a molehill
/ pick holes in sth

борец во/под јорган планина – an armchair fighter

поминува како бос no трње – walk into a buzz saw

заорува прва бразда – break (new/fresh) ground / cut
the first turf

легнува на брашно – give in / come to one’s senses / backdown / pull in one’s horns / eat humble pie / knuckle down under / come to heel / take one’s medicine

не меле брашно со некого – be on bad terms with sb

Bо секое брашно има трици – there is no wheat without chaff /
there is no garden without its weeds / there is a black sheep in
every flock

бричи некого на суво – pull a fast one o make a monkey
out of sb / make a fool of sb

живее како бубрег во лој – live on/off the fat of the land –
have one’s bread buttered on both sides / live in clover live like a
king

му отчита буквица . му отпеа молитва некому – send sb off/away with a flea in his ear

држи/мита буквица некому – teach sb a lesson / give sb a piece of one’s mind / rub one’s nose in (the dirt)

каде бургија не врти, парата врти – money makes the world go round

ако има век, ќе има и лек – while there’s life, there’s hope

имај верба во себе и во своето магаренце – put your trust in God and keep your powder dry / paddle your own canoe

ветар и магла, глувци во табла – a storm in a teacup a tempest in
a teacup / much ado about nothing

јак е на вилици . има јаки вилици – talk nineteen to the dozen / have
a big mouth

става ново вино во стари бочви – put new wine in/into old bottles

повеќе (пати) отколку што имаш влакна на главата – more than you can shake a stick at / more of sth than you/they have had hot dinners

водата и огнот се добри слуги, ама лоши господари – servants make the worst masters / fire is a good servant but a bad master

волкот на ветено не вечера – praise without profit puts little in the
pot / fine words butter no parsnips / he who gives you fair words feeds you with an empty spoon / wish can never fill a sack

волот се врзува за рогови, a човек за јазик – an ox is taken by the horns and a man by his word

мери вошка на кантар – split hairs o be a nitpicker/quibbler

(изгледа како да) му протонале гемиите – look like a wet weekend / down in the dumps / in the doldrums / be/feel down in the mouth / be in low spirits .. feeling low o look/-feel blue

гол и бос – down and out / down at the heels without a shirt to one’s back

ем гол ем зол / ем крив, ем див – the pot calls the kettle black

и за најмилиот гостин три дена се доста -fish and guests stink after three days / the first day a guest, the second day a guest, the third day
a calamity

на непоканетиот гостин местото му е зад врата – who comes uncalled sits unserved / an unbidden guest knows not

Гопспод прво себе си направил брада – charity begins at home

Господ високо, царот далеку – between the devil and the deep
blue sea

кога многу грми, малку врне – dogs that bark at a distance bite
not at hand

Кога ќе се поздравиш со Грк провери колку прсти ти останале
на раката – fear the Greeks, even when they bring gifts

каде даваат – земај, каде маваат бегај – when in Rome do what the
Romans do / swim with the tide/stream

не знае денот што носи ноќта – none knows what will happen to
him before sunset / a men’s destiny is always dark

поарно денеска јајце отколку утре кокошка • поарно свое
јајце отколку туѓа кокошка – better an egg today than a hen
tomorrow / better a sparrow in the hand than a pigeon on the roof

добредојден како мајски дожд – welcome as flowers in May / (as)
welcome as the flowers of spring

расте ко ѓаволот да го трга зa уши – grow like a weed / shoot up

животот не е лесен . животот не e мед и млеко – life is not a bed of roses

од чесен збор не се меси погача – fine words butter no parsnips

плаќа нешто со суво злато – pay the earth o pay a pocket / pay through the nose

вреди суво злато – be worth one’s weight in gold / worth a fortune

злато човек -a heart of gold /an angel (not a man) / kindness itself

ем му иска, ем му стиска – can dish it out but can’t take it / bottle out / lose one’s bottle / punk out

дава некому ишарет – give/drop a hint /// tip sb the/a wink

фалени јаготки, празни кошници – deeds are fruits, words are but
leaves

јазикот е поостар и од сабја – the tongue is not steel yet it cuts
words cut more than swords / a good tongue is a good weapon / the tongue is more venomous than a serpent’s sting / hurtful words are more painful than an inflicted wound

јазикот коски нема, ама коски крши – a word spoken is past recalling ,
least said, soonest mended

капка пo капка – вирче • капка no капка, ќе потече бразда – many a mickle makes a muckle / penny and penny laid up will be many / grain by grain the hen fills her belly

магарешка клупа – adunce’scap / the stool of repentance

клопчето почна да се одврзува – things started untangling / the
tangle started to unravel

секој е ковач на својата среќа – each man is the workman of his
fortune

накиснал до гола кожа – look like a drowned rat / be drenched/soaked to the skin

кој бргу cyди, бргу се кае – from a foolish judge quick sentence

ќе дојде кокошката на седало – you’ll get what’s coming to you / you’ll get what you deserve / when my ship comes home/in

без компас -like a ship without a rudder

дежурен кривец – a scapegoat / a whipping boy

се крсти и со лева и со десна – be stricken dumb / be taken
aback

крстен ли си (ти бре)!? – you must be out of your mind!
you have (got) to be joking!

крстен – недокрстен – be off one’s chumps / have a tile
loose o odd/queer in the head / be nuts

делени круши, спокојни заби – short reckonings make long
friends

на мртво куче вади нож – hares may pull dead lions by the
beard

нема каде куче да го гризне – not have a penny to one’s name

уште лепчето папо го вика – be green (as grass)

кој лете пладнува, зиме гладува – they must hunger in frost that will
not work in heat

исцедува некого (како лимон) // цеди некого (ка)ко лимон – bleed sb white // milk/suck sb dry

ce тресе како лист в гора • се тресе како стап во вода • се тресе како лист на ветар – shake like a jelly // shake in one’s shoes // shake like a leaf

лук и вода – there is nothing to it // milk and water o wishy-washy

има co лопата да ринеш – go/be two a penny // ocean of (books/gold)

камбана без маде – have a loose tongue/mouth // have a big mouth

Што го мазниш? – don’t handle him in kid gloves

човек на мака се познава – when the going gets tough, the tough get going

вади некому маст – pick on sb o drive/send sb up the wall

излегува на мегдан – accept the challenge / measure swords / break a lance

мевлем на рана – a cold hand on a fevered brow // a great comfort o a sight for sore eyes

месо без коски не бива – you have to take the rough with the smooth

дури не ja отепаш мечката, не ја продавај кожата • прво отепај
ја мечката, после продај ја кожата – first catch your hare and then cook
it // catch your bear before you sell its skin

кога ќе дојдат моите пет минути – when my ship comes home/in

не ce мириса(ат) • не се мириса со – be not on good terms no love
lost between // (be) out of tune with // be at loggerheads with sb // (be) in a bad odour with sb

што трезен мисли, пијан зборува – what soberness conceals, drunkenness reveals // in vino Veritas

му брчат муви во главата – have a bee in one’s bonnet

му ги истера мувите од глава – drive crazy ideas out of sb’s head

Bо туѓото око ja гледа раската, во своето гредата не (ја гледа) – first cast out the beam out of thine own eye // and then shalt thou see clearly to cast out the mote out of thy brother’s eye// know your own faults before blaming others for theirs

пapa на рака, Мара под рака – cash and carry

парата и железна врата отвора – money makes the world go round // money talks

фрли пепел • тури (му) пепел – let bygones be bygones // let sth drop // forgive and forget // wipe the slate clean

ни пепел нема во очите – (as) poor as church mouse

ce издига од пепелот – rise from the ashes

друга песна пee – change one’s tune o sing a different song/tune // strike a ew/different note // change one’s mind

пех го бие – be out of luck be jinxed // have a run of tough bad luck // be on a losing streak

некој (го сака) попот, некој попадијата – everyone to his taste // there’s no accounting for taste

поголем поп од Папата – pretend innocence // butter wouldn’t melt in his mouth // bigger catolic than the Pope

фрла ракавица – challenge sb

ги извади ракавиците – fight with the gloves off // take off the gloves

фрлена ракавица – accept a challenge

многу paцe цутеле (многу усти капеле) • многу раце благословени (многу усти колнати) – many hands make light work (too many cooks spoil the broth)

рибата в море, тавата на оган – first catch your hare and then cook
it – catch your bear before you sell its skin

сафра е – be a real pain in the arse // be a real drag

сафра го фати – be bored out of one’s mind // be bored stiff // be fed up // be a real drag!

сина жени кога сакаш, ќерка мажи кога ќе можеш – marry your son when you will, your daughter when you can

кога сиромаштијата ќе тропне на врата, љубовта бега низ пенџере/прозорец – when poverty comes in at the door, love flies out at the window

нема поголем слепец од оној што не сака да гледа – (there’s) none so blind as those that will not see

слепец слеп води – (a case of) the blind leading the blind

(ка)ко слон во стакларница – like a bull in a china shop

подобро грам среќа отколку ока памет – an ounce of luck is worth a pound of wisdom

ќе те праша староста кај ти била младоста – provision in season makes rich house // a spare when you’re young and spend when you’re old

поарно старому под брада, одошто младому под стреја – better be an old man’s darling than a young man’s slave

секој си ја фали својата стока – every man thinks his own gees
swans / / each priest praises his own relics

тикви co расол! – a fat lot // stuff and nonsense! // myhatl – you don’t say! // like hell (you will) // tell me another!

ни трендафил без трн, ни севда без кавга – lovers’ quarrels are soon mended

медената уста железни врати отвора – there is a great force hidden in a
sweet command

устата пена да ти фати (од зборување) – you could talk until you’re blue in the face

a царица, a магарица – all cats are grey in the dark

пред да шиеш, треба да кроиш – don’t put the cart before the horse

кој co ѓаволот тикви сади – he that sups with the devil must have a long spoon

ѓаволот ни ора(л) ни копа(л) – one can never be too careful – the devil/Satan finds/makes work for idle hands – the devil is subtle, yet weaves a coarse web

има живци како коноп • има живци (ка)ко ортома/сајла – have nerves of steel – keep one’s head – keep a cool head

запнува/се напрегнува од петни жили – strain every nerve – out all the stops

има (земено) некого на заб – have a down on sb – have one’s knife in sb – have it in for sb – be on sb’s case o pick on sb

забранетото е најслатко – forbidden fruit is sweetest

каде лежи зајакот – where the shoe pinches

кој трча по два зајака, ни еден не фаќа – fall between two stools

прифаќа нешто здраво за готово – take something as gospel

од залакот си делат – be/live in each other’s pockets

попустина си го арчи/троши зборот – waste one’s breath a kick against the pricks

од чесен збор не се меси погача – fine words butter no parsnips

ни лук јал ни лук мирисал – butter wouldn’t melt in his mouth

тврдоглав (ка)ко магаре на мост – stubborn as a mule

мав ќе те сторам – I’II brain you

мав му е работата – be for the high jump – have had it – be deep in trouble – be in hot water

ce сеќава (ка)ко низ магла – have a vague/dim recollection

магарето го канеле на свадба за да носи дрва/вода – whither shall the ox go where he shall not labour

не умри магаре до зелена трева – wait for the cows to come home

роди ме мајко со среќа па фрли ме на буниште – give a man fortune and cast him into the sea

за еден мајка, за друг маштеа – fortune to one is mother, to another is stepmother

желна мајка на мртво дете се радува – hungry dogs will eat dirty puddings – a hungry horse makes a clean manger

на мајсторот куќата му капе – the shoemaker’s son always goes barefoot

на слабиот мајстор секогаш алатот му е крив – a bad workman always blames his tools

пo мајката ќе ја познаеш и ќерката – the apple never falls far from the tree – like mother, like daughter – like tree, like fruit – a chip of/off the old block

кој се изгорел на млеко, дува и на јогурт / матеница – once bitten, twice shy – a scalded cat fears hot water – a burnt child dreads the fire

под една мишка две љубеници/два карпуза не се носат – you can’t run with the hare and hunt with the hounds – you can’t have it both ways

ce ce може кога се мора – necessity is the mother of invention – where there’s a will there’s a way

не можеш секому да му погодиш/нагодиш – you can’t please them all – you can’t please everyone – he that all men will please shall never find ease – he that would please all and himself too, undertakes what he cannot do – you can’t win them all

пушта мозок на пасење – be wool-gathering – let it all hang out – put one’s mind to grass

моме се љуби додека е младо – gather ye rosebuds while ye may

кога се мора, се мора • што се мора, се мора/може – what must be, must be – what cannot be cured, must be endured – needs must when the devil drives – make a virtue of necessity

го соли морето – plough the sands

мортус пијан – drunk as a lord – be pissed as a newt – pissed out of one’s mind/head

мрак му падна пред/на очи – (be) hot under the collar – see red – fly into a rage – fly off the handle

мува да се чуе – dead silence – as silent as the grave – you could hear a pin drop

мртов ладен – as cool as a cucumber

му брчат муви во главата – have a bee in one’s bonnet

му ги истера мувите од глава – drive crazy ideas out of sb’s head

убива две муви со еден удар – kill two birds with one stone

прави муабет за снегот лански – a wild goose chas

Bо неволие човекот не ги бира пријателите • во неволие и ѓаволот ти е другар – adversity makes strange bedfellows

небото се отвори – rain cats and dogs come down in buckets – the heavens open

несреќата никогаш не доаѓа сама – it never rains but it pours – troubles come double

на свети никогаш – pigs might fly – when hell freezes over

од новина на погибел – once in a blue moon

не знае носот да си го избрише • да не му е носот, трева ќе пасе – be so dumb he couldn’t find his arse with two hands at high noon – so dumb he couldn’t piss out of a boat – not have enough imagination/intelligence/sense to come out of the rain

ноќта ден ја прави – turn night into day – burn the candle at both ends – work one’s fingers to the bone

не му се сите овци на број – lose one’s marbles – be not all there – have a screw loose/missing

(оди) како овца на колење – go like a sheep to the slaughter

овца (за стрижење) – an easy meat

co една овца не се прави бачило – one swallow doesn’t make a spring

која овца ce дели од стадото, (неа) волкот ја јаде – there’s safety in numbers

фрла око на некого – му фрли око – have an eye on sb – take a fancy to sb – set one’s heart upon a draw a bead on sb – take a shine to sb/sth

сменува некому личен опис – beat sb black and blue – beat sb to a pulp

мачка очи некому – throw dust into sb’s eyes – pull the wool over sb’s eyes

му падна в очи – catch sb’s eyes – attract sb’s attention

не ги одлепува очите од – not take one’s eyes off

не може да им поверува на сопствените очи – not believe one’s eyes

не може со очи да го види – can’t stand/bear the sight of sb – wouldn’t touch sb with a bargepole/pair of tongs/ten-foot pole

очи си вадат – be at daggers drawn – be/go at it hammer and tongs

очите се огледало на душата – the eyes are mirror to the soul

остава некого бел во очите – bleed sb white

плакне очи – feast one’s eyes on a – get an eyeful of

подалеку од очи поделеку од срце – out of sight, out of mind .. far from eye, far from heart – long absent, soon forgotten

Гo извади од памет • вади некого од памет – make sb’s hair curl – scare the pants of sb

од што паметниот се срами, будалиот се гордее – wise men wear their horns on their breasts, fools on their foreheads

не знае кој пат да фати – be at one’s wit’s end – be in a quandary (about whether to) – be at six and sevens

пес од касапница тешко ce одделува – old habits die hard

и петелот му носи јајца – have one’s bread buttered on both sides

помогни ми, да ти помогнам – you scratch my back and I’ll scratch yours – today you, tomorrow me – today me, tomorrow you – claw me and I’ll claw thee

прво посеј, после жнеј – don’t put the cart before the horse

лесно е да си поп, покрај вујко владика – he whose father is judge goes safe to his trial

ce разликуваат како поп и шеширџија – (be) as different as chalk and cheese

чека да се слегне прашината – play a waiting game – wait for the cat to jump – wait to see which way the cat jumps

лева рака, десен џеб • му (пот)фаќа раката – have light/sticky fingers

му ги поткастри роговите – bring sb down a peg or twо

кога ќе засвири риба летница – when hell freezes over

руба/руво краси (руво/руба гнаси) – fine feathers make fine birds -handsome is as handsome does

од сите страни Ѓорѓи сардисан – be up against the wall – be in dire straits – have no option/alternative/choice

што на на ум тоа на друм – not mincing words -talk through one’s hat

нема поголем слепец од оној што не сака да гледа – (there’s) none so blind as those that will not see

чиста сметка, долга љубов . чиста сметка – бел образ – short reckonings make long friends

треба уште сол да јадеш – you must eat another yard of pudding first

среќата му го свртела грбот – be down on one’s luck – have a run of bad luck

пушти срце – dip into one’s pockets – dig into one’s purse – push the boat out – put one’s hand in one’s pocket = loosen one’s purse-strings

стапка пo стапка, преку планина ce префрла – penny and penny laid up will be many – grain by grain the hen fills her belly – many a little makes a mickle

глуп/прост (ка)ко тапа – (as) light as a cork – a stupid arse – not to know one’s arse from one’s elbow – as dumb as a fish – as thick as two short planks – as silly as a sheep – as silly as a goose

каде е (нај)тенко, таму се кине – the thread breaks where it’s weakest – a chain is (only) as strong as its weakest link

лута трева на лута рана – desperate cuts must have desperate cures

ни трендафил без трн, ни севда без кавга – lovers’ quarrels are soon mended

става трн во здрава нога -нshoot oneself in the foot

ги држи уздите – keep sb in check – keep sb under control – hold the reins

уште му лета умот no чавки – still wet behind the ears

не е цвеќе за мирисање – he’s no saint – he’s no babe in the woods

co едно цвеќе лето не иде – one swallow doesn’t make a spring

a царица, a магарица – all cats are grey in the dark

на државна чешма вода не пиј – put not your trust in princes

запржува чорба некому – cook sb goose – put a spoke in sb’s wheel – upset sb’s apple cart – cut the ground from under sb’s feet

барала шута рогови, останала и без уши • не барај рогови (ќе останеш и без уши)– better a sparrow in the hand than a pigeon on the roof – a feather in hand is better than a bird in the air o grasp all, lose all – all covet, all lose – fall between two stools

ем шуто, ем боде . шуто а боде – people who live in glass houses should not throw stones – the pot calls the kettle black

На плоштадот „Гоце Делчев” и на Булеварот „Маршал Тито” во Струмица, претставници од МВР Струмица и Општинскиот совет за безбедност на сообраќајот на патиштата, во соработка со РС БСП, со делење на едукативни материјали, реализираа сообраќајно-воспитно едукативна кампања под мотото „Летна Кампања 2020-вози одговорно“, со цел за подигање на свеста и одговорно учество во сообраќајот во летниот период.

Во МНД челнуваат и неколку академици од МАНУ. Ова Македонско научно друштво годинава го прослави својот 60-годишен јубилеј од формирањето. Тоа е најстаро македонско научно друштво кое по карактерот на дејноста е единствена научна асоцијација на интелектуалци во градот на конзулите и убавината – Битола. Друштвото е формирано на 25 април 1960 година во просториите на Државниот архив – Битола како Научно друштво, кое име го носело сѐ до 1968 година. Од 1960 па сѐ до 2002 година го носело името Друштво за наука и уметност – Битола, а тогаш било преименувано во Македонско научно друштво – Битола.

Во период од 60 години Друштвото како организација се занимава со научни прашања од различни области, а има статус на невладино, непартиско и непрофитно здружение на македонски граѓани. Според пишаните документи, Македонското научно друштво – Битола било формирано со решение Бр.. 04-3214/60 од Секретаријатот за внатрешни работи на Општина Битола, на 25 април 1960 година, како прва научна асоцијација во Битола. Иницијатори за формирањето на оваа асоцијација била група од битолски интелектуалци. На основачкиот состанок бил донесен Правилник за работа на Друштвото и биле избрани секретар и претседател на Друштвото како и тричлен Управен одбор. Тоа било група млади битолчани, интелектуалци, иницијатори за формирањето на Друштвото за наука и уметност. За Друштво кое оваа година прослави 60 години од својата успешна работа на полето на науката, културата и уметноста, од формирањето до денес имаат голем придонес плеада раководни личности, научници, интелектуалци и друг персонал кои со своите активности волонтерски ангажмани и ентузијазам придонеле оваа асоцијација да биде на пиедесталот во сверата на својата дејност.

Исто така, голем придонес имаат и членовите на Одделението за општествени науки; Одделението за правни науки; Одделението за природни науки; Одделението за применети науки и медицина; Одделението за технички науки; Одделението за уметност; Одделението за лингвистика и литература и Одделението за историско-географски науки.

Посебни заслуги за Македонското научно друштво – Битола има и мојот ментор Професор д-р спец. Борис Ангелков. Македонското научно друштво – Битола е сместено во зградата на Градската народна библиотека „Свети Климент Охридски“ во Битола. Во него членуваат 254 членови, а има 8 одделенија и е отворена научна асоцијација не само за научната фела од Македонија, туку и за Македонците во иселеништво и претставува поттик и патоказ за македонските научни, литературни, театарски и други асоцијации насекаде во светот. Денес сум посебно горд затоа што сум веќе и официјално редовен член на МАКЕДОНСКОТО НАУЧНО ДРУШТВО во секторот за природните науки. Благодарам за плакетата. Најголема благодарност за мојот ментор Проф. др.спец Борис Ангелков и на сите колеги од одборите во МНД што ми дадоа шанса да бидам дел од МНД и да дадам свој придонес за афирмирање на науката во Македонија и на меѓународно ниво

Прелеста е повреда на човековиот ум, како и на човековото срце, со лага. Односно, прелест е кога човековиот ум или срце во себе ќе прифатат лага. Прелеста е состојба во која, помалку или повеќе, најчесто несвесно, се наоѓаме сите ние – без исклучок. Најголема прелест е некој да мисли за себе дека не е во прелест. Освестувањето на овој факт е најдобра заштита од прелеста. Затоа, добро е да знаеме, покрај тоа – дека секако сме во прелест, и колку сме во прелест.

Прелеста е последица од заробеноста на нашиот ум и срце од страстите; на умот од страста на славољубието, а на срцето од страста на среброљубието и сластољубието.

Почетокот на прелеста е невeројатното одбивање на модерниот „христијанин“ да го стави умот во процес на исцеление, односно одбивањето да ги восогласи начинот на својот живот и подвиг со степенот од духовниот раст на кој се наоѓа, во анонимност. Уште пострашна прелест е, кога на тоа што го спомнав ќе се додаде, и невосогласување на јавното дејствување во Црквата со позицијата што некој ја има во Црквата. А кога, пак, непросветлен христијанин ќе се заблуди во решавање на световни проблеми – политички, национални, од тоа само Господ може да излечи.

Сето тоа се случува затоа што чистењето на енергијата на умот, кое го доживуваме како просветлување, а всушност е добивање на првата светлина и знаење, го користиме (знаењето) не за согледување на својата болна и отпадната состојба, и само за свое исправање, туку за судење и осудување на грешките на ближниот.

Просветлувањето на умот е светлина која произлегува од чистењето на суштината на умот, преку дарот на умно-срдечната молитва, и тоа е светлина која не ни дозволува да им судиме и да ги осудуваме нашите ближни – затоа што веднаш ќе нѐ напушти, а никој кој се здобил со таа светлина не сака да остане без неа.

Како што рековме, има лажна состојба (прелест) на умот, но има и прелест на срцето. Првата прелест настанува поради прифаќање и усвојување лажни мисли, а втората од прифаќање и усвојување лажни чувства. Оттука произлегуваат и гревовите направени со збор, како и со дела.

Двете состојби на прелест заемно се поврзани и се надополнуваат – се потхрануваат едната со другата. Прелеста на умот предизвикува лажни чувства, а прелеста на срцето – лажни заклучоци и помисли на умот. Прелеста може да го направи бесплоден нашиот подвиг за многу години.

Ако прелеста се случува на ниво на помисли и чувства – зборуваме за религиозна невроза, а ако таа се случува на ниво на јавни зборови и дела – зборуваме за религиозна социопатија.

Како и да е, со свесно или несвесно одржување на прелеста остануваме и пребиваме во областа на душевноста, во областа на противприродниот начин на живот.

Прв, општ знак на прелест е кога проблемот го лоцираме надвор од себе. За секој паметен човек овој знак треба да е доволно предупредување. За религиозниот невротичар и за религиозниот социопат, Бог има подготвено други знаци – телесни. Тие, секако, проблемот го лоцираат надвор од себе, но тоа не го забележуваат.

За да се ослободи човек од прелеста на умот, како и на срцето, не треба да прифаќа лажни, демонски помисли, како и чувства. И нормално, треба да работи на очистување на своето срце од страстите, под надзор и во послушание на духовниот отец.

На пример, прелеста може да му почне од умот, со помислата дека Бог му е лут или дека го отфрлил поради гревот што го направил, а тоа би предизвикало чувство на депресија, очај, и би ја прекинало молитвата кај него. Или, пак, со помисла дека Бог е задоволен од него, што би предизвикало чувство на еуфорија, и повторно би бил прекинат православниот духовен подвиг, а посебно молитвата.

Може прелеста да почне и од срцето, односно од чувствата; на пример, некој ќе нѐ разгневи, па потоа започнува рој лоши помисли против него, на судење и осудување, така што прелеста се префрла од срцето во умот.

Можам да пишувам за многу вакви примери на почеток и развој на прелеста. На пример, не сфаќаме дека Христос пострада за секое место на земјата да го направи свето, и Свој храм и Свој олтар на кој Му служиме, и дека не постои некаква градација на светоста на местата, туку има само педагошки однос кон одредени места. Така, ако некој помисли дека влегол на некое „специјално“ свето место и затоа го обземаат „специјално“ свети чувства, да знае дека е во прелест.

Или, на пример, кога некој ќе си помисли дека Македонската Православна Црква – ОА е навистина во раскол и откако ќе ја прими таквата демонска прелест, само ни останува да гледаме и да се чудиме што зборува и што прави; оти таквите само Бог може да ги излечи од тешката религиозна социопатија во која западнале. Да не речам – демоноопседнатост.

Или, на пример, како појавата на одредена болест предизвикува обид за преразгледување на православната теологија во однос на примањето Света Причест и однесувањето во Црквата, а што е всушност обична проекција на страв и безверие. Со други зборови, прелеста на срцето ја поттикнува и прелеста на умот. Но, ни прва, ни последна болест. Итн., итн.

Бог нѐ љуби, и ние, исто така, треба Него – но и со свесност за својата отпаднатост од Него; и затоа, кога молитвено Му се себепринесуваме, тоа треба да го правиме само на подолу опишаниот начин:

„Од сите чувства на срцето, само едно, во неговата состојба на пад, може да биде употребено во невидливото Богослужење: тагата поради гревовите, поради падот и својата пропаст – наречено плач, покајание, скрушеност на духот“ (свети Игнатиј Брјанчанинов). Со еден збор, само плачот, макар и принуден, може да биде прифатлив во молитвата, поради изгубената заедница со Богочовекот Исус Христос – и тоа би бил најправилниот начин на изразување љубов.

Повторно како критериум и овде се појавува дарот на умно-срдечната молитва. Пред неа да ја добиеме на дар, Бог ги прима само плачот и покајанието – како состојба на срцето и држењето на умот во адот (без очајување), или последното место и анонимноста – како состојба на умот, за време на невидливото внатрешно богослужење, односно за време на молитвата. Што друго може да прими Бог после, ќе види тој што ќе го добие овој дар.

Покајанието, плачот и смирението се знаци за правилноста на духовниот подвиг на првиот степен од духовниот развој – очистување на срцето од страстите. Нивното отсуство е знак за прелест и бесплодност.

Постојаната свртеност кон надвор, напуштањето на анонимноста и безуспешните обиди за јавното решавање на црковните, како и, уште полошо, световните проблеми, со запалена крв – пред просветлувањето на умот и дарот на умно-срдечната молитва, го рушат покајанието.

Ваквата состојба се нарекува прелест и многу лесно се препознава.

Постои свесно и несвесно опрелестување. Откако ќе прочитате и не послушате – станува свесно. Кој е дотолку малоумен свесно да се опрелестува, ајде да видиме?

Зашто, „оној што мисли за себе дека е бестрасен, никогаш нема да се очисти од страстите. Оној што за себе мисли дека е исполнет со благодат, никогаш нема да добие благодат. Оној што мисли дека е свет, никогаш нема да достигне светост“ (свети Игнатиј Брјанчанинов).

Пресвета Богородице, спаси нас!http://mpc.org.mk/MPC/SE/vest.asp?id=7305