Заботехничката лабораторија Твинслаб потекнува и е целосен наследник на лабораторијата Ендомак, но сега под раководство на Танкица Петкова и Љубица Пецева. Во кратко разговор, еве што ни открија за Твинслаб двете сопственички.

Каде го стекнавте вашето образвование и стручно познавање?

-Здраво, ви благодариме на поканата и вашата заинтересираност за нашата лабораторија. Ние сме забни техничари , а високо образование завршивме во Република Бугарија, во рекордно време и како најдобри во генерацијата.После високото образование, следува стручно усовршување во една од најдобрите и денес најголема заботечнички лабораторија во Бугарија. После пет години работа во Бугарија, добивме понуда од Примариус Доктор Томе Тасевски од клиниката Ендомак, за отварање на заботехничка лабораторија во Струмица и Гевгелија. Во таа иста лаборатоја, а денешен Твинслаб, по скоро поминати 5 години во работа, можеме слободно да кажеме дека нашето стручно усовршување беше поткрепено со многу изработени случаи, се стекнавме со огромно искуство во метал керамиката, цирконија керамика, гингива керамика, DSD, а посебно имплантологија.

Ендомак инвестираше многу со теоретско и практично усовршување, преку интерни приватни курсеви, водени од голем број еминентни светски стручњаци докажани во полето на светската забна техника и естетика. Едукацијата се состоеше од основите на анатомијата на забите, формата, естетиката, функцијата, DSD третманите и гнатологијата. Сето знаење се разбира беше наградено со дипломи и сертификати, а најважно од се, применетите знаења во секојдневната практика.

Дали може на кратко да ни ја презентирате заботехничката лабораторија Твинслаб?

–Твинслаб е современа лабораторија, опремена со state of the art опрема, дигитални скенери и милинг машина за изработки по CAD/CAM технологија. Материјалите кои што ги користи лабораторијата се од реномирани фирми, почнувајќи од BAUMANN модели, FUJIROCK гипс, восок, GIROBOND или GC метал и GC Initial керамика како краен производ, а во моментот најдобри во светот.

Што ве прави поразлични од другите заботехнички лаборатории на пазарот во Македонија?

–За разлика од другите лаборатории, едниствено кај нас металот не се прелива по неколку пати, туку се користи само еден метал за лиење. На тој начин, се гарантира висок квалитет и се почитува гаранцијата дадена од производителот. Исто така, цирконијата која што ние ја користиме не е опактна, туку е транслуцентна, што познавачите на естетстката стоматологија знаат од колку големо значење е сето ова. Целокупната наша работа се изведува исклучиво на Amann Girrbach артикулатори и се разбира, во чиста и здрава околина на работните места.

Исто така, она што е од голема важност за работата на Твинслаб е дека поседуваме сопствен компјутерски софтвер за евиденција на налозите за работа и материјалите, поткрепен со фото и друга документација.

На кој начин се одвива комуникацијата со вашите соработници?

-Како што спомнав погоре, компјутерскит софтвер за евиденција на налозите за работа и материјалите е од особена важност, бидејки со негова помош водиме споствен лист за квалитет каде што прецизно се бележи се од страна на техничарите и стоматологот. Евиденцијата на пациентот, освен што престставува Законска форма и стандард по кој што сите треба да работат, за нас е од особена важност, бидејки на тој начин се обезбедува подобра комуникација помеѓу нас и нашите соработници, а исто така преставува и круцијален елемент за идно успешно следење на нашите соработки.

Каде се наоѓа заботехничката лабораторија Твинслаб?

-Просториите на заботехничката лабораторија Твинслаб се наоѓаат на улица Младинска број 277 во Струмица , а во Гевгелија на бул. Гевгелија бб. Исто така , клиентите може да не контактираат на телефонските броеви 070 690 490 или 071 320 600 или на mail info@twinslab.mk.

Ви благодариме за одвоеното време и ви посакуваме многу успеси во работата.

–Ви благодариме за поканата и убавите желби и секое добро.

Наместо да се издлаби тиквата, и да се фрлат сите здрави придобивки кои ги нуди (витамнин А, бета каротен, влакна,потасиум итн) истата ја сечеме на резанци, и ја редиме во плех, кој што го залеваме со малку вода, и го ставаме во фурната на 200 степени околу еден час. Може да се послужи со малку шеќер или мед.

Happy Halloween:)))

Aспарагусот е растение кое што се смета за деликатес уште од древни времиња. Ова високо ценето растение пристигнува со доаѓањето на пролетта, кога пробива на почвата и може да достигне висина од 15-17 цм. Во Калифорнија првите култури се берат уште во февруари, сепак, нивната сезона генерално се смета од април до мај. Аспарагусот е многу добар извор на растителни влакна, фолна киселна, ги содржи витамините А,Ц,Е и К.Ова растение, заедно со авокадото и  кељот е особено богат извор на глутатион, детоксикациона состојка која помага да се прекинат канцерогените и другите штетни супстанци како што се слободните радикали. Ова е причина зошто јадењето аспарагус може да помогне за заштита и  борба против одредени форми на рак, како што се коските, дојката, дебелото црево и рак на белите дробови.
Аспарагусот е полн со антиоксиданси,а според прелиминарните истражувања, може да помогне да се забави процесот на стареење. Уште една придобивка на аспарагусот е тоа што содржи високо ниво на аспарагин, амино киселина која служи како природен диуретик, што придонесува за зголемено мокрење, при што се ослободуваат вишокот течности од телото, и  помага во ослободувањето на вишокот на соли. Ова е особено корисно за луѓето кои страдаат од едем (акумулација на течности во ткивата на телото) и оние кои имаат висок крвен притисок или други болести поврзани со срцето.

Во Струмица, растенијата од ваков вид многу тешко се наоѓаат на гардските пазари и низ маркетите, од причина што се работи за растение кое што е ретко распространето на нашето поднебје. Добра вест за сите љубители на аспарагусот е тоа што истиот од неодамна може да се најде на полиците во Маркетот Здравец, и да уживате во придобивките кои што доаѓаат со него. Тимот на Strumi.ca сме големи љубители на аспарагус, па еве една рецепта од нас, која може да ја приготвувате како брз ручек или вечера:

Потребни состојки: макарони, аспарагус, песто, лук, лимон, маслиново масло, сол и црн пипер.

Во зовриена вода се ставаат макароните да се сварат, а во меѓувреме го сечете апсарагусот на три дела, при што го откинувате долниот дел кој што е со жолтеникава боја. Во загреана тава, ставате сосема малку масиново масло, и го ставате аспарагусот да се пропржи, околу 2-3 минути. При крајот на пржењето го ставате претходно ситно исецканиот лук, и сокот од половина лимон, кој што ќе го освежи вкусот.Посолувате и побиберувате. Макароните ги цедите од водата, и повторно ги ставате во тенџерето, каде ставате 2 лажички песто, и испржениот аспарагус. Послужувате со малку рендан парзмезан и рукола. Добар апетит 🙂

 
Чекор 1- Скратете ги Шеќерите и Скробот

 
Овој е најважен од сите чекори, бидејќи внесувањето на јаглехидрати го стимулира лачењето на инсулин, кој што е главниот хормон за складирање масти во телото. Кога се намалува нивото на инсулин, мастите послесно се ослободуваат и телото почнува да ги согорува. Другата предност на намалениот инсулин е тоа што бубрезите го исфрлаат вишокот содиум и вода од телото, па е сосем нормално во првите недели од слабеењето да ослабнете повеќе поради губењето на вода од организмот. Заклучок: со исфрлувањето на шеќерите и скробот од вашата диета, автоматски ќе се намали нивото на инсулин во вашиот организам, што ќе го намали апетитот за јадење, и ќе почнете да губите килограми без да гладувате.

 
Чекор 2- Јадете Протеини, Масти и Зеленчук

 
Секој оброк треба да содржи извор на протеини, масти и зеленчук со малку карбохидрати. Ако вака ги комбинорате оброците, дневното ниво на внес на јаглехидрати ќе се сведе на препорачаната доза, односно 20- 50 грама дневно. Најголем извор на протеини се месото, риба и морска храна и јајцата. Диетите во кои што протеините се најзастапени, ќе ве заситат и нема да чувстувате опсесија за храната, бидејќи кога станува збор за диети, протеините се полни со хранливи материи. Зеленчук кој што се препорачува за оваа диета е: брокули, карфиол, спанак, кељ, зелка, марула, краставица и целер. Извори пак на масти се: маслиново масло, масло од кокос, масло од авокадо и путер. Не ги избегнувајте мастите, ако престанете да ги јадете, многу скоро ќе почнете да чувствувате глад и ќе се откажете од планот за слабеење.

Чекор 3 – Кревајте Тегови Три Пати Неделно

 
Препорачливо е да одите во теретана 3-4 пати неделно, загрејте се, кренете некој тег и потоа истегнете се. Ако не сте вежбале со тегови, подобро побарајте совет од некој тренер . Со кревањето тегови, ќе согорите многу калории и ќе го забрзате вашиот метаболизам, што е добро за слабеењето. Ако ви е тешко да кревате тегови, тогаш може да правите лесни кардио вежби како трчање, пливање, брзо одење или скокање на јаже.
И најдоброто за крај, во текот на неделата може да имате еден “cheat meal”, односно да јадете храна богата со јаглехидрати, но не претерувајте, помислете на сите згодни девојки на плажа кои ова лето ќе се прошетаат до вас :). Ајде, што чекате?

Секако дека вкусот нема да биде ист, но за сметка на глутенот кој што ќе го изфрлите, вкусот може да го надоместите со вкусни додатоци како пршута, пржени јајца, сирење, па дури и путер од кикирики. Се разбира, внесот на овие високо калорични додатоци треба да компатибилни со вкупната доза на масти коа што смеете да ја внесете во текот на еден ден, не се лакомете 🙂
2. Стек и јајца
Јајца и сланина можеби е типичен појадок кој што секој од нас го посакува наутро, но истиот не може да ги постигне потребите за протеини во текот на еден ден. За да внесете повеќе протеини, а помалку масти, наместо сланината, заменете со едно парче стек на скара. Јацата може да ги приговите како сакате, што не значи дека треба да ги “удавите” во масло или путер.
3. Чоколаден шејк со путер од кикирики
Ставете во блендер една шолја кравјо или козјо млеко, помешано со 3 лажички путер од кикирики, 2 лажички протеин во прав со вкус на чоколадо ,и по некоја боровница или малина и voila, уживајте во вкусот.
4. Печено пилешко
Ништо не може да го победи рецептот со печено пиле, вистинска класика. Ефтино, вкусно, и најдобро од се е што не мора да следите некој посебен рецепт, едноставно, купете квалитетно пиле, ставете го во фурна и нафрлете се на јадење.

5. Лосос на скара
Лососот е високопротеинска храна која содржи незаситени масти и е совршена храна за диета. Најдобриот начин за приготвување на лосос е да го ставите со кожата надолу на грил тава. Кожата ќе спречи да се залепи лососот на тавата, а притоа да остане сочен. Користете зачини.

6. Зеленчук
Иако зеленчукот е голем извор на јаглехидрати, не треба да ги изоставите од вашата диета. Тој е полни со влакна, витамини и минерали кои ќе ви помогнат да останете здрави и брзо да се опоравите од вежбањето.

 
Анксиозноста влијае на целото наше битие, на тоа како се чувстуваме, како се однесуваме со другите луѓе и истото има многу реални физички симптоми. Анксиозноста наликува на нешто како страв или благ немир,но со таа разлика што кога се плашиме, знаеме која е причината за нашиот страв, но не ја знаеме причината за нашата анксиозност.
Најголемиот причинител на анксиозноста е стресот со кој што се соочуваат луѓето во секојдневниот живот. Некои од нас се повеќе подложни на анксиозност од другите. Таа многу често може да биде предизвикана и од негативни мисли.

 
Како ќе познаете дека сте анксиозни?

 
Покрај тоа што ќе чувствувате загриженост и страв (најчесто поради непозната причина), исто така може да искусите некои од следниве симптоми:

 
• Напнатост во мускулите
• Треперење на телото
• Болки во стомакот и дијареа
• Вртоглавица и главоболка
• Потскокнување на срцето
• Болки во грбот
• Вкочанетост на телото или бодежи во рацете и нозете
• Потење

 
Важно е да се напомене, дека многу често симтомите на анксиозноста можат лесно да се помешат со некоја физичка болест, и да се плашиме дека можеби страдаме од срцев удар. Ова се разбира, уште повеќе ја зголемува анксиозноста.

 
Кога анксиозноста станува проблем?

 
Сите ние понекогаш стануваме аксиозни, сакале или не. Проблемот настанува кога истото се коси со неможноста на извршување на секојдневните обврски или пак продолжува да се случува дури и откако ќе помине “ опасноста”. Избегнувањето на ситуации кои што не прават анксиозни може да ни помогне да се чувствуваме подобро на краток рок. Вистинскиот проблем лежи во тоа што анксиозноста продолжува да ни се случува и почнува да се проширува во резлични секојдневни ситуации, што може да предизвика избегнување на големи гужви и места како супермаркети, трговски центри, предавања на факултет и сл. Иако избегнувањето на проблемот можеби ќе ни ја олесни работата привремено, следниот пат ќе биде уште потешко да се соочиме со истата ситуација.

 
Што да направите за да се чувствувате подобро?

 
• Научете се да го менаџирате стресот, така што ќе го намалите притисокот кој што сами си го поставувате на работа, и задолжително правете паузи;
• Научете неколку релаксирачки техники, како физичка релаксација, медитирање, возење велосипед во природа итн;
• Грижете се за своето здравје,така што ќе ја подобрите вашата исхрана, редовното спиење и ќе ја зголемите физичката активност;
• Вежбајте длабоко вдишување и издишување, вдишувајќи длабоко низ нос, и издишувајќи лесно низ уста, притоа визуелизирајќи си како стресот и напнатоста го напушта вашето тело;
• Позитивни мисли, се секогаш добредојдени за да не излечат од ваквата ситуација. Затоа заменете ја “касетата” во вашиот ум, која што упорно ви повторува дека не можете да направите нешто, со позитивен став, дека ништо не е невозможно.