Искршени жардинерии со цвеќе на плоштадот „Гоце Делчев“

Плоштадот „Гоце Делчев“ ноќеска бил мета на вандалско однесување. Непознати сторители искршиле и расфрлале повеќе жардинерии со цвеќе. Јавното претпријатие за комунални дејности „Комуналец“ и општина Струмица се згрозени од ваквиот чин и апелираат да престане вандалското однесување кон урбаната опрема. Наместо да ја уништуваме, да ја чуваме затоа што таа е наша, заедничка, која ни ја разубавува средината во која што живееме.